Vedat Muriqi po i mahnit të gjithë këtë sezon në kampionatin spanjoll. Sulmuesi kosovar i realizoi dy gola dje në duel me Real Valladolidin në barazimin 3:3 duke e konfirmuar formën solide të këtij edicioni, shkruan “Gazeta Express”.
Me këtë rast, përfaqësuesi kosovar arriti në kuotën e 12 golave sezonalë, një e arritur e jashtëzakonshme kjo për të, kur kihet parasysh se ai po luan në njërën prej ligave më të forta në Evropë. Ai e bëri një postim pas dygolëshit të regjistruar në pjesën e dytë në udhëtim dje.

“12 gola, 2 asistime. Çfarë sezoni për Vedat Muriqin”, ka shkruar La Liga.


Muriqi me këtë rast po i rivalizon golashënuesit më të mirë të ligës spanjolle, ndërsa synim i tij është që ta ndihmojë Mallorcan të mbetet në ligë dhe sa më lartë të jetë e mundshme. /Gazeta Express/