Kryetari i komunës së Kumanovës, Maksim Dimitrievski, i ftuar në emision televiziv në Kanal 5, ka deklaruar se Kumanova është qytet që po ndërton shoqëri multietnike.
“Përveç popullit maqedonas, kemi edhe nëntë bashkësi etnike, përfshirë atë bullgare, edhe pse nuk njihet me Kushtetutë, në zyrën time është një flamur i komunitetit bullgar, sepse në regjistrimin e fundit kemi rreth 350 persona që u deklaruan si bullgarë. Padyshim Kumanova është një qytet që ka shpirt, një qytet ku ke në një vend shkrirjen e kontinentit evropian dhe orientit të Azisë. Dhe përveç kësaj, të gjitha këto janë vlerat tona pozitive”, theksoi Dimitrievski, përcjell PRESSonline.al
Duke folur për decentralizimin e pushtetit, ai tha se Maqedonia është një nga vendet më të centralizuara dhe do të duhet të punojë shumë në planin e decentralizimit fiskal, sepse problemet në nivel lokal janë reale.(PRESSonline.al)
