featured

Nipi i Muhammad Ali i pamëshirshëm në MMA, e ‘çmontoi’ me të djathtën brutale kundërshtarin

Biaggio Ali Walsh, nipi i një nga boksierëve më të madh ndonjëherë, Muhammad Ali, mundi mbrëmë Isaiah Figueroa në Las Vegas në një ngjarje të organizuar nga ‘PFL’.

Walsh ishte i pamëshirshëm me kundërshtarin duke e mposhtur atë në raundin e parë.

Ai që nga fillimi i meçit e vuri në një pozitë të vështirë Figueroan, duke e goditur në fytyrë dhe në pjesët e tjera të trupit.

Për të detyruar gjyqtarin ta ndërpresë sfidën, u përkujdes të lëshoi një të djathtë brutale e cila ishte vendimtare për fitoren e tij të tretë në ndeshjen e katërt në MMA.

Ndryshe, 24-vjeçari më herët kishte luajtur ragbi për Universitetin e Kalifornisë.

Ai në një intervistë të realizuar në nëntor të vitit të kaluar kishte treguar dallimin sipas tij mes sportit të ragbit dhe atij të MMA.

”Unë kam pasur presion edhe në futboll, i cili është një sport krejtësisht i ndryshëm. MMA është gjithashtu krejtësisht i ndryshëm nga boksi, por është gjithashtu një sport luftarak, kështu që do të ketë pak më shumë presion. Gjyshi im është shumë i famshëm. Por në fund ka të bëjë me mënyrën se si performon në kafaz,” kishte thënë Ali Walsh.

Ai ishte pyetur edhe për krahasimet me gjyshin e tij dhe kishte potencuar: ”Ai mbështetej shumë në muskujt e tij të këmbës kur gjuante grushte, në MMA unë goditesha në atë pjesë të këmbës gjatë gjithë kohës. E provova këtë, u godita dhe më rrëzuan. Por mendoj se kam shpejtësinë e tij, që ma transferoi mua.”/GazetaMetro/

 

Nipi i Muhammad Ali i pamëshirshëm në MMA, e ‘çmontoi’ me të djathtën brutale kundërshtarin

Adresa juaj email s’do të bëhet publike. Fushat e domosdoshme janë shënuar me një *

Identifikohu

Identifikohu ose krijo një llogari tani për të përfituar nga privilegjet e Press Online.al - i cili është plotësisht falas!