featured

Ish-ambasadori serb: Serbia ka ende lidhje me Rusinë, sidomos kur ka të bëjë me Kosovën

Sreçko Gjukiq, diplomat dhe ish-ambasador serb thotë se është i bindur se ka komunikim mes Beogradit dhe Moskës dhe se kjo shihet nga disa lëvizje të presidentit të Serbisë, Aleksandër Vuçiq, të cilat kanë të bëjnë në radhë të parë për Kosovën.

“Jam i bindur se ka komunikim mes Beogradit dhe Moskës. Natyrisht, sot mund ta kemi të vështirë ta vërtetojmë këtë, por nuk është diçka që nuk mund të ‘kapet’ dhe të tregohet se ekziston”, thotë Gjukiq.

Ai shton se nuk ka rëndësi nëse ai komunikim është i drejtpërdrejtë apo kalon nëpër kanale të caktuara.

“Sidoqoftë, nga veprimet e caktuara të Aleksandër Vuçiqit shohim se është rezultat i sugjerimeve apo mbështetjeve të caktuara nga Moska. Për shembull, kur bëhet fjalë konkretisht për çështjen e Kosovës, edhe pse Moska është në probleme të thella, pyetja e vërtetë është kë mund ta ndihmojë ajo sot, kur duhet ndihmuar”, thekson Gjukiq për nova.rs

I pyetur nëse mendon se presidenti i Serbisë mund të shkëputet nga ai “përqafim”, Gjukiq thotë se ky është përqafim ideologjiko-politik.

“Mendoj se është një përqafim ideologjiko-politik. Duke marrë parasysh rrënjët e partisë që ai drejton, ato rrënjë gjenden në politikën radikale dhe politika radikale në Serbi ka qenë gjithmonë e lidhur me nënën Rusi nga një kordon kërthizor. Unë absolutisht mendoj se Vuçiq nuk mund të shkëputet prej saj dhe as që do të shkëputet ndonjëherë prej saj. Pavarësisht nëse është Kosova apo diçka tjetër. Nëse nuk është Kosova, do të jetë diçka tjetër”, thekson Gjukiq.

Ish-ambasadori serb: Serbia ka ende lidhje me Rusinë, sidomos kur ka të bëjë me Kosovën

Adresa juaj email s’do të bëhet publike. Fushat e domosdoshme janë shënuar me një *

Identifikohu

Identifikohu ose krijo një llogari tani për të përfituar nga privilegjet e Press Online.al - i cili është plotësisht falas!