featured

Abdixhiku: Kosharja na qëndron si rikujtim se çdo ditë është detyrim shërbimi ndaj atdheut

Kryetari i LDK-së, Lumir Abdixhiku në 24 vjetorin e Betejës së Koshares, i ka nderuar viktimat që ranë me rastin e thyerjes së kufirit shqiptaro-shqiptar.

Abdixhiku ka shkruar se Kosharja sot qëndron si tempull rikujtimi për gjithë sakrificën e djemve e vajzave të vendit për të sotmen tonë dhe të ardhmen e brezave që vijnë.

“Na qëndron si shenjë rikujtimi se çdo ditë e jona sot, është detyrim shërbimi ndaj atdheut tonë të shenjtë – Kosovës”, ka shkruar Abdixhiku.

Përderisa i ka përmendur emrat e atyre që ranë më 9 prill 1999.

“Sot, nderojmë Agim Ramadanin, Sali Çekajn, Xhemajl Fetahajn, Abaz Thaçin, dhe secilin hero të rënë në altarin e lirisë. Kosharja, vendi i fundit i tyre, është themel i lirisë sonë. Nderojmë po ashtu, gjithë të rënët e huaj në rrugëtimin tonë drejt lirisë; nderojmë francezin Paillard Arnaud Pierre, algjerianin Murad Muhammad Ali e italianin Francesco Giuseppe Bider. Nderojmë të shkuarën tonë të lavdishme e të dhimbshme”, ka shkruar Abdixhiku.

Abdixhiku: Kosharja na qëndron si rikujtim se çdo ditë është detyrim shërbimi ndaj atdheut

Adresa juaj email s’do të bëhet publike. Fushat e domosdoshme janë shënuar me një *

Identifikohu

Identifikohu ose krijo një llogari tani për të përfituar nga privilegjet e Press Online.al - i cili është plotësisht falas!