featured

Tri javët e ardhshme në Superiore dhe gjysmëfinalet e Kupës, zbardhet kalendari

Departamenti i Garave në FSHF ka zbardhur kalendarin e ndeshjeve të “Abissnet Superiore” për javët në vazhdim.

Duke përcaktuar datat, oraret dhe stadiumet ku do të luhen sfidat e javës së 29-të, 30-të dhe 31. Gjithashtu, janë përcaktuar oraret dhe stadiumet për ndeshjet e turit gjysmëfinal të Kupës së Shqipërisë.

Ndeshjet e javës së 29-të do të luhen në datat 15 dhe 16 prill. Të shtunën ngre siparin e javës sfida Bylis-Teuta që luhet në Ballsh (15:00). Më pas në ora 18:00 nis sfida tjetër Erzeni-Kastrioti, që zhvillohet në stadiumin “Niko Dovana” të Durrësit. Të dielën luhen tre sfidat e tjera të kësaj jave. Në orën 15:00 nisin dy duelet Laçi-Partizani (Laç) dhe Kukësi-Vllaznia (Kukës Arena). Java mbyllet me ndeshjen Tirana-Egnatia, në “Elbasan Arena”, që nis në ora 18:00.

Edhe ndeshjet e javës së 30-të do të luhen të ndara në dy ditë. Përkatësisht në datat 22 dhe 23 prill me sfidën Egnatia-Laçi (Rrogozhinë) që luhet e para duke nisur nga ora 15:00 ditën e shtunë. Ndërsa në orën 18:00 fillojnë njëkohësisht dy ndeshjet Teuta-Erzeni (Niko Dovana) dhe Vllaznia-Tirana (Loro Boriçi). Të dielën e 23 prillit zhvillohen Kastrioti-Kukësi (15:00, në Kamëz) dhe Partizani-Bylis (18:00, në stadiumin Partizani). Në mesjavë do të zhvillohen edhe dy ndeshjet e para të turit gjysmëfinal të Kupës së Shqipërisë.

Të dyja takimet do të luhen më datë 26 prill dhe në të njëjtin orar. Tirana-Teuta (Elbasan Arena) dhe Vllaznia-Egnatia (Loro Boriçi) nisin në ora 18:00. Muaji prill mbyllet me ndeshjet e javës së 31-të në datat 29 dhe prill dhe 30 prill. Bylis-Laçi (Ballsh) luhet të shtunën duke nisur nga ora 15:00. Kurse në orën 18:00 starton sfida tjetër e kësaj dite Erzeni-Partizani.

Të dielën e 30 prillit (15:00) luhen ndeshjet Tirana-Kastrioti (Elbasan Arena) dhe Kukësi-Teuta (Kukës Arena). Në orën 18:00 fillon sfida përmbyllëse e javës Vllaznia-Egnatia (Loro Boriçi).

Më poshtë, edhe kalendari i plotë me datat dhe oraret e tre javëve të ardhshme të kampionatit dhe turit gjysmëfinale të Kupës së Shqipërisë.


Top Channel

Tri javët e ardhshme në Superiore dhe gjysmëfinalet e Kupës, zbardhet kalendari

Adresa juaj email s’do të bëhet publike. Fushat e domosdoshme janë shënuar me një *

Identifikohu

Identifikohu ose krijo një llogari tani për të përfituar nga privilegjet e Press Online.al - i cili është plotësisht falas!