Hulumtimi në të cilin AgroWeb.org bazohet, tregoi se ngrënia e kumbullave të thata mund të ndihmojë gratë pas menopauzës të shmangin disa faktorë inflamatorë që lidhen me zhvillimin e osteoporozës.
Osteoporoza është një sëmundje që dobëson kockat, duke i bërë ato më të prirura ndaj frakturave.
Çdokush mund të zhvillojë osteoporozë, por gratë janë më të prirura për shkak të humbjes së estrogjenit gjatë menopauzës. Estrogjeni ndihmon në parandalimin e humbjes së densitetit të kockave.
Sipas ekspertëve, ulja e nivelit të estrogjenit mund të shkaktojë rritje të inflamacionit, i cili kontribuon në humbjen e kockave pas menopauzës.
Hulumtimi tregon se disa përbërës tek kumbullat e thata mund të parandalojnë këtë përgjigje inflamatore.
Si kumbullat e thata ndihmojnë në luftimin e inflamacionit
Ekstraktet e polifenolit që gjenden tek kumbullat e thata mund të veprojnë si antioksidantë.
Ato mund të reduktojnë inflamacionin në një lloj të veçantë qelize kockore të quajtur osteoklast.
Osteoklastet luajnë një rol jetik në mirëmbajtjen, riparimin dhe rimodelimin e kockave.
Pjesëmarrësit e studimit ishin gra me një densitetet të ulët kockor, një shenjë e osteoporozës.
Pas një periudhe ku ato konsumuan sasi të ndryshme kumbullash të thata, autorët zbuluan se kjo ndikoi në reduktimin e inflamacionit.
Gjetjet sugjerojnë se konsumi i 6 deri në 12 kumbulla të thata në ditë, mund të zvogëlojë inflamacionin.
Ekspertët thonë se njerëzit mund t’i vënë në punë gjetjet e këtij studimi që tani. Kështu mund të parandaloni osteoporozën.
Kumbullat e thata janë të larta në vitaminë K dhe minerale si bakri dhe magnezi, të cilat forcojnë kockat.
Ato janë gjithashtu të pasura me polifenole dhe proantocianidina, antioksidantë që ndihmojnë në zvogëlimin e inflamacionit.
Ushqime të tjera që mund t’ju vijnë në ndihmë
Fiqtë, patatet e ëmbla, qumështi, arrorët, lakra jeshile, brokoli, lakrat e brukselit dhe fasulet janë të pasura me magnez dhe kalcium.
Gjithashtu peshqit e konservuar që kanë kocka, janë burime të mira të kalciumit.
Vitamina D është gjithashtu shumë e rëndësishme, por pak më e vështirë për t’u përfshirë në regjimin tuaj ushqimor.
Peshqit si salmoni dhe toni, suplementet dhe sigurisht rrezet e diellit janë burimet më të mira të saj.
Aktivitetet si ecja, vrapi ose tenisi detyrojnë trupin tuaj të punojë kundër gravitetit. Kjo bën që kockat të bëhen edhe më të forta.
Dhe së fundmi, me rëndësi është edhe monitorimi i shëndetit të kockave pas menopauzës./AgroWeb.org