featured

Çadi dëbon ambasadorin gjerman për ‘qëndrim të pasjellshëm’ (fotot)

Qeveria ka urdhëruar Gordon Kricke të largohet nga vendi brenda 48 orë për arsye të ‘mosrespektimit të traditave diplomatike’, tha ministria vendase.

Qeveria e Çadit në një deklaratë ka urdhëruar ambasadorin gjerman në vend të largohet brenda 48 orëve.

“Vendi i qeverisë motivohet nga mendësia e pasjellshme dhe mosrespektimi i zakoneve diplomatike”, thuhej në deklaratën e mbrëmshme të ministrisë së komunikimit.

Dy burime të qeverisë çadiane thanë për agjencinë Reuters se ambasadori Gordon Kricke kishte kritikuar shtyrjet në mbajtjen e zgjedhjeve pas grushtit të shtetit, si dhe një vendim të vitit të shkuar që i lejonte liderit të përkohshëm ushtarak Mahamat Idriss Deby të kandidonte në zgjedhjet e vitit 2024.

Ministria e jashtme gjermane nuk ka komentuar ende mbi dëbimin e Kricke, por një burim i afërt me autoritetet tha se vendimi ishte “absolutisht i pakuptueshëm” dhe se vazhdonin kontaktet me autoritete çadiane.

Kricke ka qenë në postin e tij prej korrikut 2021. Ai ka shërbyer më parë si diplomat në vende si Niger, Angola e Filipine. Ai ka qenë gjithashtu përfaqësues i Gjermanisë në rajonin e paqëndrueshëm afrikan të Sahel.

Një burim qeveritar tha për rrjetin AFP, se Kricke konsiderohej si “kishte ndërhyrë shumë” në qeverisjen e vendit, dhe kishte bërë komente përçarëse.

Burime se ndaj tij ishin bërë disa paralajmërime të mëparshme.

Liderët ushtarakë në vendin e Afrikës qendrore fillimisht kishin premtuar një periudhë 18-mujore tranzicioni kur Deby mori pushtetin pas babait të tij, presidentit Idriss Deby, i cili u vra në betejë me rebelët. Kjo duhet t’i jepte fund disa dekadave të regjimit autoritar në vend.

Por vitin e kaluar regjimi ushtarak zgjati mandatin e tij me dy vjet deri në mbajtjen e zgjedhjeve në tetor 2024, duke shkaktuar protesta ku u vranë të paktën dhjetë civilë dhe duke marrë kritika nga fuqitë rajonale dhe SHBA.

Ambasada gjermane atje, ashtu si dhe ato të Francës, Spanjës, Holandës, kishin shprehur shqetësimin për “shtyrjen e rikthimit te demokracia”.