featured

Rivali profesionist godet me grushte surfisten femër që i zinte valët të tjerëve: Mendova se ishte burrë (fotot)

Surfistja profesioniste Sara Taylor raportohet se u sulmua duke u goditur me grushte nga braziliani João Paulo ‘JP’ Azevedo teksa konfliktoheshin se cili kishte të drejtën e një valë oqeanike në ishullin indonezian të Bali.

Surfisti profesionist është dënuar nga publiku pasi u regjistrua duke qëlluar me grusht amerikanen që po debatonte me mikun e tij, teksa pamjet qesharake janë bere virale ne rrjet.

Episodi ndodhi kur Sara Taylor po debatonte me Adriano Portela, se cili kishte të drjetën e lundrimit të një vale të ardhur në bregdetin indonezian.

Dyshja ishin duke bërë surf në brigjet e Uluwatu, në jugperëndim të Bali, kur u ngjitën njëkohësisht në valën e ardhur, çka solli në debatin se cili kishte të drejtën e radhës.

Konflikti verbal u përcoll edhe në breg ku Portela doli nga uji dhe shkoi te zonjusha Taylor, shkruan rrjeti MailOnline .

Por teksa ecte drejt bregut Taylor u ndalua nga miku i Portela, gjithashtu surfist profesionist, João Paulo ‘JP’ Azevedo, i cili pa u menduar shumë nisi të godiste me gushte gruan.

Në pamje të incidentit Azevedo shihet që i afrohet gruas edhe në ujë me bordin e surfit dhe e godit me grusht nga prapa teksa dilte në tokë.

Dy brazilianët dhe disa shoqërues të tyre iu afruan Sara dhe mikeshës së saj Charlie Mccharg e cila regjistroi incidentin.

Një prej tyre duket se godet me shkelm motoçikletën e zonjushës Mccharg dhe shtyn Taylor.

Kjo e fundit u bërtet atyre “Largohuni!” para se pamja të ndërpritet.

Por pas dënimit te sjelljes nga publiku Azevedo mbylli rrjetin e tij social teksa tha për mediat braziliane se gruaja që sulmoi duhej “si një burrë”.

Ai tha: “Ajo nuk dukej fare si një grua. Bënte ‘surf’ si një burrë dhe ishte e veshur si një burrë”.

“Ajo hynte në valët e të gjithë të tjerëve, nuk respektonte asnjë. Hyri në valë teksa shoku im po lundronte dhe i prishi ritmin”.

Azevedo shtonte: “Shkova ta pyes përse u soll ashtu me mikun tim, por ajo më hodhi ujë në fytyrë e më shau, prandaj u provokova dhe e sulmova”.

“Më pas pashë që dukej si grua. Ishte veshur vetëm me bluzë dhe nuk kishte rrobabanje të sipërme. Më pas kërkova falje”.

Në një tjetër video në YouTube, Azevedo thotë se ai ishte viktima.

Ai tha se lajmet nuk e tregonin të gjithë ngjarjen por e kishin bërë atë të dukej si “i keqi”.

“Pashë një surfist që shtyu shokun tim dhe shkova ta pyes përse e bëri, por ata më goditën në fytyrë dhe unë u vetëmbrojta”.

“Më pas pashë se ishte femër, dola nga deti dhe kërkova ndjesë”.

Pas postimit të pamjeve në rrjet shumica e komunitetit të surfistëve dënojnë sulmin ndaj gruas dhe kërkojnë dënim për sportistët brazilianë, edhe pse shumë të tjerë dënonin stilin e papërgjegjshëm të lundrimit të valëve të gruas me pamje burrërore.