featured

Frutat dhe perimet do të shtrenjtohen sërish/ Tregtarët u ankuan për rritje të harxhimeve të importit

Edhe pse s’ka pak ditë që qeveria mori vendim për ngrirje të çmimeve të frutave dhe perimeve, kjo nuk zgjati shumë, pasi tregtarët u ankuan për rritje të harxhimeve të importit nga jashtë, andaj këto çmimet do të rriten sërish. Ministri i Ekonomisë siguron se nëse ndërkohë ka ulje të harxhimeve në doganë, do të rikthehen çmimet e përcaktuara.

“U dakorduam që deri javën e ardhshme në fuqi të jenë çmimet të cilat për momentin janë të përcaktuara me vendim të qeverisë sa i përket ngrirjes së tyre. Bëhet fjalë për 11 produkte të cilat janë të vendosura në vendim. Do të ketë një korrigjim shumë të vogël të martën në seancë të qeverisë duke u bazuar në të dhënat e Drejtorisë së Doganave për shkak se nga 28 marsi deri më ditën e sotshme ka një rritje të çmimeve të cilat deklarohen nga ana e importuesit në doganë”- deklaroi Kreshnik Bekteshi, Ministër i Ekonomisë.

Për këtë gjatë ditës së djeshme njoftoi edhe Qeveria, nga ku thanë se vendimi do të vlejë ashtu si vendimi paraprak, deri më 30 prill.

“Është konstatuar se një vendim i tillë është i nevojshëm, siç njoftoi Ministria e Ekonomisë, pas mbledhjes koordinuese të institucioneve kompetente lidhur me çështjen në fjalë. Ky vendim, që vjen pas vendimit për ngrirjen e çmimeve të disa llojeve të pemëve dhe perimeve, parashikohet të jetë i vlefshëm deri në fund të muajit prill.”- thanë nga Qeveria.

Tregtarët me pakicë nuk janë fare të kënaqur me këtë vendim të qeverisë. Ata ankohen se në tregun me shumicë i blejnë më shtrenjtë, ndërsa detyrohen t’i shesin më lirë. Nga ana tjetër qytetarët e mirëpresin këtë vendim edhe pse do të dëshironin që çmimet të jenë edhe më të lira. Nga Inspektorati i Tregut janë kryer mijëra kontrolle prej ku kanë shqiptuar gjoba në vlerë totale 2.5 milionë denarë.

Frutat dhe perimet do të shtrenjtohen sërish/ Tregtarët u ankuan për rritje të harxhimeve të importit
Giriş Yap

Press Online ayrıcalıklarından yararlanmak için hemen giriş yapın veya hesap oluşturun, üstelik tamamen ücretsiz!