“Duhet të zbatohen marrëveshjet”/ Takimi Lavrov-Çavusoglu, diskutime për marrëveshjen e grurit 

featured

Ministri i Jashtëm rus Sergei Lavrov dhe ministri i jashtëm turk Mevlut Çavusoglu mbajtën një konferencë të përbashkët pas takimit dypalësh.

Lavrov paralajmëroi se Moska mund të braktisë marrëveshjen e grurit me Ukrainën nëse mbeten pengesat për eksportet ruse.

“Guterres propozoi dhe promovoi me kaq këmbëngulje le të vazhdojnë të transportojnë produktet përkatëse nga Ukraina me rrugë tokësore, me hekurudhë, dhe dete. Ata tashmë kanë krijuar logjistikën e duhur që funksionon. Dhe ne do të punojmë, nëse është e nevojshme, dhe jashtë kuadrit të kësaj nisme”, tha Sergei Lavrov-Ministër i Jashtëm rus.

Në lidhje me këtë temë reagoi edhe Cavusoglu, i cili shprehu mbështetjen e tij për heqjen e “pengesave për eksportin e grurit”. Ai shton se pavarësisht hapave të ndërmarra për dërgimin e amoniakut dhe plehut rus në vendet afrikane, problemi nuk është zgjidhur plotësisht.

“Ne jemi dakord që pengesat për eksportin e drithit dhe plehrave ruse duhet të hiqen. Ka përpjekje të Sekretarit të Përgjithshëm midis Kombeve të Bashkuara dhe Federatës Ruse. Si Turqi, ne i mbështesim fuqimisht këto përpjekje.. Një hap u dërgua për të dërguar amoniak dhe pleh rus në vendet afrikane nëpërmjet disa vendeve perëndimore. Ne tashmë importojmë grurë dhe plehra nga Rusia. E rëndësishme është që që kjo marrëveshje të vazhdojë, që të vazhdojë eksporti i drithit dhe plehrave nga Ukraina, duhet të zbatohen marrëveshjet ekzistuese, këtë po themi”, u shpreh Mevlut Cavusoglu-Ministër i Jashtëm turk.

Lavrov shtoi se Moska dëshiron që çdo bisedë paqeje në Ukrainë të përqendrohet në krijimin e një rendi të ri botëror.


Top Channel

“Duhet të zbatohen marrëveshjet”/ Takimi Lavrov-Çavusoglu, diskutime për marrëveshjen e grurit